Rusiya Suriyada MKİ-nin qərargahını bombaladı

Suriyada Əsəd rejiminə kömək üçün bu ölkəyə hərbi təyyarələrini göndərən Rusiya hava əməliyyatlarına davam edir.

Ölkə.az xəbər verir ki, dünəndən başlayaraq Suriyanın müxtəlif bölgələrindəki hədəflərə hava zərbələri endirən Rusiya qırıcıları Mərkəzi Kəşfiyyat İdarəsinin qərargahlarından birini də bombalayıb.

İŞİD terror təşkilatı və Suriyada Əsədə qarşı döyüşən digər qruplaşmaların mövqelərini bombalayan Rusiya isə hədəflərin suriyalı hərbçilərlə birgə seçildiyini bildirib. Bombalanan qruplar arasında ABŞ-ın dəstəklədiklərinin də olması regionda vəziyyəti daha da gərginləşdirməkdədir.

Hələlik ABŞ və Avropanın siyasi dairələrindən Rusiyanın Suriyadakı əməliyyatlarına ciddi bir münasibət bildirilməyib.

Ölkə.az