\"Skype\"dan möhtəşəm

6 dildə danışığın sinxron tərcüməsi təmin ediləcək

Ölkə.Az xəbər verir ki, populyar “Skype” xidməti səsli zənglər zamanı danışığı avtomatik başqa dillərə tərcümə edən “Skype Translator” funksiyasını təqdim edib.

“Skype Translator” səsli zənglər zamanı 6 dildə danışığın sinxron tərcüməsini təmin edəcək. Bu dillərə ingilis, fransız, alman, italyan, çin və ispan daxildir. “Skype” istifadəçilərinə ani mesajların 40-dan çox dildə tərcüməsi mümkün olacaq. Bu xidmətdən istifadə etmək üçün “Skype Translator” saytında qeydiyyatdan keçmək lazımdır.

“Skype Translator” danışığın tanınması, avtomatik tərcümə texnologiyalarından istifadə edir. Bu xidmətin əsas məqsədi insanlar arasında dil baryerini aradan qaldırmaqdır.

Xatırladaq ki, bir müddət öncə "Skype" 10 saatlıq qırılmadan sonra fəaliyyətini bərpa etmişdi. Dünyanın bir çox ölkəsində "Skype" istifadəçiləri ciddi texniki problemlə üzləşmişdilər.

Ölkə.Az