İŞİD-çilər neft limanına hücum etdi

Terrorçuların 4-ü məhv edilib

Ölkə.Az xəbər verir ki, İŞİD terror təşkilatının yaraqlıları Liviyanın Es-Sidr neft limanına hücum ediblər.

Yerli təhlükəsizlik xidmətinin verdiyi məlumata görə, Es-Sidr ölkənin ən önəmli neft terminallarından biridir. Hücum edən terrorçular avtomat silahlardan istifadə edib və minalanmış avtomobili partlatmağa cəhd ediblər. Toqquşma nəticəsində mühafizə döyüşçülərindən biri ölüb, ikisi yaralanıb.

Terrorçuların 4-ü isə məhv edilib.

Xatırladaq ki, 2006-cı ildən əsası qoyulan İŞİD təşkilatı 2014-cü ildə İraq və Suriyanın bir hissəsini ələ keçirərək, orada «xilafət» yaradıb. Onların törətdikləri qətliamlar nəticəsində minlərlə dinc sakin vəhşicəsinə öldürülüb, həmçinin minlərlə insan girov götürülüb.

Terror təşkilatına qarşı İraq və Suriya ordusu, kürdlər, həmçinin ABŞ-ın rəhbərliyi ilə beynəlxalq koalisiya qüvvələri mübarizə aparır.

«Cabhat ən-Nusra»nın isə 2012-ci ildə Suriyada qarışıqlıq zamanı əsası qoyulub və hökumət qüvvələrinə qarşı vuruşur. Təşkilat «Əl-Qaidə» terror qruplaşmasının bir qoludur.

Rəşid Mustafazadə

Ölkə.Az