ABŞ-da tələbələri niyə güllələdilər?

KİV: "Kütləvi güllələnmə dinlə bağlı ola bilər"

Ölkə.Az xəbər verir ki, ABŞ-ın Oreqon ştatının Rozburq şəhər kollecində atışma təşkil edən şəxsin kimliyi bəlli olub.

Hadisə "Umpqua" adlı təhsil müəssisəsində qeydə alınıb. Əldə edilmiş məlumata görə, 10 nəfər ölüb, 7 nəfər isə yaralanıb. Cinayətkar özü isə polis əməkdaşları ilə atışma nəticəsində öldürülüb. Hüquq-mühafizə orqanlarından bildirilir ki, atəş açan şəxs 26 yaşlı Kris Harper Merserdir və o, kollecin tələbəsi deyilmiş.

Bəzi KİV-lər onunla internetdə müəyyən müzakirələr aparıb. O yazıb ki, kollecə atışma təşkil etmək istəyir, çünki yalnız bu yolla xəbərlərin qəhrəmanı olmaq mümkündür. Təhqiqatçılar cinayətkarın anası, dostlarını dindirir və bütün mesajlarını yoxlayır.

Şahidlərin sözlərinə görə, siahlı şəxs auditoriyalara girərək, silahla təhdid etməklə təhsil alan şəxslərin öz dini əqidəsini açıqlamağı tələb edirdi. Xristian olduğunu deyənlər isə yerindəcə Merser tərəfindən güllələnirdi.

"Umpqua" ictimai kollecində 3 mindən artıq tələbə təhsil alır.

Rəşid Mustafazadə

Ölkə.Az