Kadırov: \"İŞİD-in özəyi aşkar edilib\"

"Çeçenistan xüsusi xidmət orqanlarının əməkdaşları İŞİD terror təşkilatının üzvlərini saxlayıblar".

Ölkə.Az xəbər verir ki, bunu Çeçenistanın başçısı Ramzan Kadırov bəyan edib.

O bildirib ki, qrupda 3 nəfər olub və İŞİD-çilər zaman-zaman hörmtə sahib ailələrin övladlarını təşkilata cəlb etməklə məşğuldurlar. Kadırov maarifləndirmə yolu ilə terrorçularla mübarizəyə çağırıb.

Xatırladaq ki, 2006-cı ildən əsası qoyulan İŞİD təşkilatı 2014-cü ildə İraq və Suriyanın bir hissəsini ələ keçirərək, orada «xilafət» yaradıb. Onların törətdikləri qətliamlar nəticəsində minlərlə dinc sakin vəhşicəsinə öldürülüb, həmçinin minlərlə insan girov götürülüb.

Terror təşkilatına qarşı İraq və Suriya ordusu, kürdlər, həmçinin ABŞ-ın rəhbərliyi ilə beynəlxalq koalisiya qüvvələri mübarizə aparır.

«Cabhat ən-Nusra»nın isə 2012-ci ildə Suriyada qarışıqlıq zamanı əsası qoyulub və hökumət qüvvələrinə qarşı vuruşur. Təşkilat «Əl-Qaidə» terror qruplaşmasının bir qoludur.

Rəşid Mustafazadə

Ölkə.Az