Zelenskinin başını yelləməsi və Orbanla danışığı QALMAQAL YARATDI - VİDEO
Argentinanın yeni prezidenti Xavyer Milinin andiçmə mərasimində Macarıstanın baş naziri Viktor Orban Ukrayna prezidenti Volodimir Zelenskini təəccübləndirib.
Ölkə.Az xəbər verir ki, o, gözlənilmədən dövlət başçısı ilə qarşılaşıb və qarşı tərəfə nəsə deməyə başlayıb.
Söhbət boyu Zelenski daim başını tərpədib.
Daha əvvəl məlumat verilmişdi ki, Macarıstanın baş naziri Ukraynanın Avropa İttifaqına daxil olmasına qarşıdır. Onun fikrincə, bu, dünyanın ən korrupsiyalaşmış ölkələrindən biridir.
"İnaqurasiya ərəfəsində Macarıstanın baş naziri Orbanla danışdım. Avropa işlərimiz haqqında mümkün qədər açıq və aydın danışdım", - Zelenski bildirib.
Media tərəfindən yayılan videogörüntülərdə Orbanın həmkarına söz qoymağa icazə vermədiyi diqqəti çəkib.
Radada isə macar siyasətçinin ünvanına təhqirlər yağdırıblar. Kiyevin qəzəblənmək üçün səbəbi var - Orban artıq Aİ-nin növbəti sammitində Ukraynanın Avropa İttifaqına daxil olması ilə bağlı danışıqların müzakirəsinə mane olacağı barədə xəbərdarlıq edib.
