Ermənistan sərhədlərin delimitasiyası komissiyasının reqlamentini təsdiqləyib

Ermənistan Nazirlər Kabineti dövlət sərhədlərinin delimitasiyası üzrə Ermənistan və Azərbaycan komissiyasının iş reqlamentini təsdiqləyib.

Ölkə.Az Ermənistan KİV-ə istinadən xəbər verir ki, bunu baş nazirinin müavini Mqer Qriqoryan deyib.

“Bu, hələlik texniki sənəddir, lakin tezliklə iş metodologiyası təsdiqlənməlidir. Bundan sonra tərəflər konkret sənədlər və topoqrafik xəritələr üzərində işə başlayacaqlar”, - o qeyd edib.