İsrailə gedən gəmiyə hücum olub - VİDEO

Dekabrın 14-də Babül-Məndəb boğazı yaxınlığında husilərin hücumundan sonra yanan “Maersk Gibraltar” konteyner gəmisinin görüntüləri yayılıb.

Ölkə.Az xəbər verir ki, Yəmənin Müdafiə Nazirliyi konteyner gəmisinə hücumu təsdiqləyib.

Xatırladaq ki, yəmənli husilər tərəfindən atılan raket Honq-Konq bayrağı altında üzən “Maersk Gibraltar” konteyner gəmisinin yanına düşüb.

Yəmənin Müdafiə Nazirliyindən bildirilib ki, İsrailə doğru hərəkət edən “Maersik Gebrelater” konteyner gəmisinə qarşı hərbi əməliyyat keçirilib, pilotsuz uçuş aparatı ilə hədəfə alınıb və zərbə birbaşa olub.

“Hədəf əməliyyatı gəminin heyətinin Yəmən dəniz qüvvələrinin çağırışlarına cavab verməkdən imtina etməsindən sonra həyata keçirilib.

Yəmən silahlı qüvvələri son 48 saat ərzində İsrail varlığına gedən bir neçə gəminin keçidinin qarşısını almağa müvəffəq olub”, - deyə nazirlik bildirib.