Cənubi Sudan 18 ştata bölündü

Salva Kiir bəyan edib

Ölkə.Az xəbər verir ki, Cənubi Sudanda mövcud 10 ştata yeni 18 ştat əlavə olunub.

Yeni inzibati quruluş barədə ölkə prezidenti Salva Kiir bəyan edib. Kiirin göstərişinə əsasən, üsyançılar iki ştatda qubernator postuna təyin edilməlidir, ancaq ştatların daha da kiçik bölgələrə bölünməsi prezidentin öz adamlarını vəzifədə saxlama istəyi ilə əsaslandırılır.

Sözügedən qərar üsyançılar tərəfindən etirazla qarşılanıb. Onların lideri, keçmiş vitse-prezident Riyek Maşar bəyan edib ki, dəyişiklik qanunsuzdur və Kiirin 2 illik döyüşlərdən sonra imzalanmış sülh müqaviləsinə qarşı çıxdığını nümayiş etdirir.

Qeyd edək ki, Cənuni Sudanda silahlı toqquşmalar nəticəsində 10 min nəfər ölmüş, 2,2 milyon şəxs isə qaçqına çevrilmişdi.

Rəşid Mustafazadə

Ölkə.Az