Türkiyədə HƏMAS liderlərinin gizli toplantısı keçirilib – “Kan 11”
Ötən həftə Türkiyədə HƏMAS liderlərinin Saleh əl-Əruri və Xalid Meşəlin iştirak etdiyi gizli toplantısı keçirilib.
Ölkə.Az xəbər verir ki, bu barədə İsrailin Kan 11 dövlət telekanalı məlumat yayıb.
Qeyd olunur ki, HƏMAS-ın ali rəhbərliyinin nümayəndələrindən biri əl-Əruri Beyrutdan, təşkilatın Siyasi Bürosunun keçmiş sədri Məşəl isə Dohadan gəlib.
“Görüşdə HƏMAS-ın digər rəhbər şəxsləri də iştirak edib. Ankara onlara təhlükəsizlik və məxfiliyə zəmanət verdi”, - məlumatda deyilir.
Bildirilir ki, toplantının məqsədi İsraillə müharibə məsələlərində mövqeləri əlaqələndirmək olub: “Yəqin ki, atəşkəs ssenarisi və əsir düşənlərin azad edilməsi üçün başqa sövdələşmə müzakirə olunub”.
