Misir də Rusiyanı dəstəklədi
Misir Rusiyanın Suriyadakı əməliyyatlarına dəstək verib
Ölkə.Az xəbər verir ki, Misir xarici işlər naziri Samih Şükri Rusiyanın Suriyadakı əməliyyatlarını dəstəkləyib.
Samih Şükrinin sözlərinə görə, Misir rəhbərliyi hesab edir ki, Rusiyanın İŞİD-ə qarşı mübarizədə iştirakı regionda terrorçu qruplaşmaların zərərsizləşdirilməsinə səbəb olacaq
Şükrinin bu bəyanatı bölgədən Rusiyanın hərbi əməliyyatlarına verilən ilk dəstək hesab edilir. O, Rusiyanın Suriyadakı terror məsələsinə mühüm əhəmiyyət verdiyini və bölgədə terrorizmin yayılmasının qarşısını almaq istədiyini deyib.
Xatırladaq ki, Rusiya qırıcıları Suriyada hava əməliyyatlarına başlayıb. Əsas məqsəd İŞİD və Bəşər Əsədə qarşı döyüşən qüvvələr olsa da rus qırıcıları Mərkəzi Kəşfiyyat İdarəsinin qərargahlarından birini də bombalayıb.
Rəşid Mustafazadə
Ölkə.Az