Yaponiyada zəlzələdə ölənlərin sayı artıb - YENİLƏNİB
Mətn ölçüsü:
  • 100%

Yaponiyada zəlzələdə ölənlərin sayı artıb - YENİLƏNİB

Yaponiyanın mərkəzi hissəsində artıq ikinci gündür davam edən zəlzələ nəticəsində ölənlərin ümumi sayı 55 nəfərə çatıb.

Bunu regional hakimiyyət orqanlarının dərc etdiyi məlumatlar sübut edir.

Məlumatalara əsasən, 100-dən çox insan xəsarət alıb, onlardan 17-nin vəziyyəti ağırdır.

Ölənlərin və xəsarət alanların əksəriyyəti davam edən zəlzələlərin episentrində olan və təbii fəlakətdən ən çox zərər çəkən İşikava prefekturasının sakinləridir. Orada zəlzələdən sonra baş verən yanğınlar 200-dən çox yaşayış binasını dağıdıb.


***
Yaponiyanın İşikava prefekturasında onlarla evin dağılmasına və yanğınlara səbəb olan 7,6 bal gücündə zəlzələ nəticəsində ölənlərin sayı artıb.

Ölkə.Az xarici KİV-ə istinadla xəbər verir ki, təbii fəlakət zamanı həlak olanların sayı 48-ə yüksəlib.

Şiddətli zəlzələdən sonra ən azı 155 yeraltı təkan baş verib ki, bu da Niiqata, Fukui, Toyama və Gifu əyalətlərini əhatə edib. Vacimada 200-dən çox binada yanğın baş verdiyi, yolların bağlanmasına görə təxminən 500 adamın şəhərdəki hava limanında qapalı vəziyyətdə qaldığı bildirilib.