Kadırovdan toy paltarı qadağası
"Çeçenistanın mövcudluğu üçün böyük təhlükədir"
Ölkə.Az xəbər verir ki, Çeçenistan Respublikasının başçısı Ramzan Kadırov respublikada açıq gəlin paltarlarının satışını məhdudlaşdırmağa çağırıb.
O, respublika ərazisində açıq gəlin paltarlarının satışının məhdudlaşdırılmasını istəyib.
"Son zamanlar gənc gəlinlər arasında Avropa adət-ənənələrinə uyğun çox açıq paltarlar geyinmək dəb düşüb. Bu doğru deyil, çeçen mədəniyyəti ilə heç bir bağlılığı yoxdur. Xalqımız adət-ənənələrini qoruyub saxlamaq üçün hər şey etməlidir", - deyə Kadırov bildirib.
Kadırov gəlinlik salonlarının sahibkarlarına milli geyimlərə keçməyi təklif edib. Kadırovun fikrincə, yad ideologiyanın təsiri Çeçenistanın mövcudluğu üçün böyük təhlükədir.
Rəşid Mustafazadə
Ölkə.Az
