\"Facebook\" Afrika üçün bunu edəcək

160 milyon insanı yoxsulluqdan xilas edəcək

Ölkə.Az xəbər verir ki, "Facebook" şirkəti Afrikada yaşayan internet istifadəçilərinin şəbəkəyə çıxışını təmin etmək məqsədilə peykin yaradılması işlərinə başlayıb.

Şirkətin press-relizinə əsasən, "AMOS-6" peykinin layihəsi Fransanın "Eutelsat" telekommunikasiya şirkəti ilə əməkdaşlığın nəticəsidir. "Facebook"un qurucusu Mark Zukerberq qeyd edib ki, kosmik aparat orbitə çıxarıldıqdan sonra Afrika üzərində yerləşəcək və qitənin böyük hissəsinə siqnal ötürəcək.

"Facebook"un məluatına görə, təkcə Keniya və Nigeriyada 20 milyondan çox internet istifadəçisi var və onların çoxu şəbəkəyə mobil qurğular vasitəsilə daxil olurlar.

Zukerberqin hesablamalarına əsasən, inkişafda olan ölkələrdə internetin genişləndirilməsi 160 milyon insanı yoxsulluqdan xilas edəcək.

Rəşid Mustafazadə

Ölkə.Az