İraqda doğum evində yanğın: 4 körpə öldü, 36 nəfər yaralandı
İraqın cənubundakı Divaniyyə şəhərindəki doğum evində gecə saatlarında yanğın baş verib.
Ölkə.Az xarici KİV-ə istinadla xəbər verir ki, yanğın nəticəsində tüstüdən boğularaq 4 körpə ölüb, 36 nəfər yaralanıb.
Əraziyə yanğınsöndürmə qrupu göndərilib.
İraqın səhiyyə naziri Salih əl-Hesnəvi yanğının xəstəxananı təmir edən tikinti şirkətinə məxsus tullantı materialları olan konteynerdə baş verdiyini, xəstəxana binasının yanmadığını, tüstü ilə dolduğunu bildirib.
O, istintaqın yekun nəticələrinin 3 gündən sonra açıqlanacağını bildirib.
İraqın baş naziri Məhəmməd Şia Sudani səhlənkar məmurların işdən çıxarılmasını və xəstəxanada təmir işləri aparan şirkətin araşdırılmasını tələb edib.
Yanğının səbəbi hələlik məlum deyil.
Günay