Yəməndə məsciddə partlayış

Baş nazirinin iqamətgahının atəşə tutulması zamanı 12 nəfər dünyasını dəyişmişdi

Ölkə.Az "Reuters"a istinadən xəbər verir ki, Yəmənin paytaxtı Sanada məsciddə törədilən partlayış nəticəsində 7 nəfər ölüb.

İŞİD həmçinin Ədən şəhərində hökümət binalarına edilmiş hücuma görə məsuliyyəti öz üzərinə götürüb.Yəmən baş nazirinin iqamətgahının atəşə tutulması zamanı 12 nəfər dünyasını dəyişmişdi.

Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir. Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az