Putin: \"Suriyadakı hədəflər Xəzərdəki gəmilərdən buraxılan raketlərlə vurulub\"

Rusiya prezidenti Vladimir Putin İŞİD-in Suriyadakı mövqelərinə yalnız qırıcılardan deyil, uzaq mənzilli raketlərdən istifadə edilməklə də zərbələr endirildiyini bəyan edib.

Ölkə.az xəbər verir ki, Putin bu gün səhər müdafiə naziri Sergey Şoyqunu qəbul edib və aralarındakı söhbət zamanı prezident Xəzər akvatoriyasında yerləşən raketdaşıyan kreyserlərdən 26 raketin Suriya ərazisindəki İŞİD hədəflərinə yönləndirildiyini deyib.

"1500 kilometr məsafədəki hədəfləri bizim raketlərin yüksək dəqiqliklə vurması ondan xəbər verir ki, bizim hərbi sənaye kompleksimiz və hərbi mütəxəssislərimizin hazırlığı yüksək səviyyədədir", deyə Putin vurğulayıb.

Qey edək ki, bu gün səhər Rusiyanın Xəzər donanmasının raket gəmilərindən buraxılan 26 ədəd "Kalibr" tipli raket Suriya ərazisində 11 hədəfi məhv edib.

Ölkə.az