Terrorçular prezidentin qardaşı oğlunu öldürdülər

Avtomobilini pusquya salaraq atəşə tutublar

Ölkə.Az xəbər verir ki, Moqadişo şəhərində “Əş-Şabab” terror təşkilatının döyüşçüləri Somalinin prezidentinin qardaşı oğlunu qətlə yetiriblər.

Liban Osman və tanınmış hüquqşunas Əbdükadir Məhəmməd güllələnərək öldürülüblər. Bildirilir ki, yaraqlılar Liban Osmanın avtomobilini pusquya salaraq atəşə tutublar. Somali höküməti hadisəni şərh etməyib.

Somali prezidenti Həsən Şeyx Mahmudun qardaşı oğlu Liban Osman ölkəyə təzə qayıtmışdı və xəstəxəna müdiri vəzifəsində işləməyə başlayacaqdı.

Rəşid Mustafazadə

Ölkə.Az