Telekanala basqını araşdıran prokuror öldürüldü - FOTO

Ekvadorda yanvarın 10-da “TC Televiziya” kanalına edilən hücumu araşdıran prokuror Sezar Suares öldürülüb.
 

Ölkə.Az xarici KİV-ə istinadla xəbər verir ki, o, maşın sürərkən silahlı hücuma məruz qalıb.

 

Başından güllə yarası alan prokuror hadisə yerində ölüb. 

 

Prezident Daniel Noboa “X” sosial media hesabında hücumu qınayıb.

 

Hadisə ilə bağlı araşdırmalara başlanılıb.

 

Qeyd edək ki, "Los Çoneros" dəstəsinin lideri "Fito" ləqəbli Xose Adolfo Macias Villamar saxlandığı Quayaquil həbsxanasından yoxa çıxıb. Hadisədən sonra ölkədə genişmiqyaslı ixtişaşlar baş verib. Silahlı şəxslər Ekvadorun “TC Television” telekanalının studiyasına soxularaq canlı efirdəki aparıcıları girov götürüblər.