Bakıya qaçan erməninin anasını maşınla vurdular

Azərbaycana qaçan Vaan Martirosyanın anası Culyetta Virabyanı yolu keçərkən maşın vurub, Novosti Armenii xəbər verib.

“Erebuni” tibb mərkəzindən bildiriblər ki, zərərçəkən xəstəxanadadır. Culyetta Virabyanın qabırğası sınıb. Onun üzərində müayinələr aparılır, müayinələrdən sonra əməliyyatın lazım olub-olmaması müəyyənləşdiriləcək.

“Milli Azadlıq Hərəkatı”nın rəhbəri Vaan Martirosyan cari ilin sentyabrında Azərbaycandan siyasi sığınacaq istəyib.

V.Martirosyan rəhbərlik etdiyi “Milli Azadlıq Hərəkatı” müxalifət təşkilatının fəaliyyətinə görə, Ermənistanın dövlət orqanları və ayrı-ayrı səlahiyyətli şəxslər tərəfindən təzyiqə məruz qalıb. O, şəxsi və ailəsinin təhlükəsizliyi üçün arvadı və azyaşlı övladı ilə Ermənistandan qaçaraq Azərbaycandan siyasi sığınacaq istəyib.oxu.az

Ölkə.Az