İngilis naziri Türkiyəyə, Yaxın Şərqə aparan səbəb: Təzyiq göstərəcək...

Böyük Britaniyanın xarici işlər naziri Devid Kemeron Qəzzada davamlı atəşkəs səyləri çərçivəsində Qətər, İsrail, İordan çayının qərb sahili və Türkiyəyə səfər edəcək.

Ölkə.Az “The Guardian” qəzetinə istinadla xəbər verir ki, bu barədə İngiltərə Xarici İşlər Nazirliyinin bəyanatında deyilir.

Kemeronun bu həftə bölgənin yüksək səviyyəli liderləri ilə təmaslarında humanitar yardım, məhbusların azad edilməsi və davamlı, daimi atəşkəsə nail olunmasına diqqət yetirəcəyi bildirilib.

Nazir Qəzzaya yardıma icazə vermək üçün İsrailə yenidən təzyiq göstərəcək. Qeyd edək ki, indiyə qədər onun istəkləri çox az bəhrə verib.

O, davamlı atəşkəs üçün HƏMAS-ın bütün girovların azad edilməsinə razı olması, Qəzzanın İsrailə raket zərbələri endirməsinə görə HƏMAS-ın artıq məsuliyyət daşımaması və fələstinlilərlə bağlı razılaşmanın tələb olunacağını deyib.

HƏMAS israr edir ki, daimi atəşkəs bütün siyasi məhbusların azad edilməsini və İsrail Müdafiə Qüvvələrinin Qəzzadan çıxarılmasını əhatə etməlidir.

İsrailin baş naziri Benyamin Netanyahu isə Fələstin Administrasiyasının Qəzzaya nəzarət etməsinə qarşı olduğunu bildirib.

Bəzi vasitəçilər hesab edirlər ki, uzun humanitar pauza razılaşdırılsa, heç bir tərəf müharibəyə qayıtmaq istəməz.

Günay