Rusiya merindən əhaliyə qəribə çağırış: Qadınlarınıza sakitcə yaxınlaşın və ...

Rusiyanın Nevinnomıssk şəhərinin meri Mixail Minenkov ölkədə əhalinin azalmasının qarşısını almaq üçün despotik həll yolu tapıb.

Ölkə.Az xarici KİV-ə istinadla xəbər verir ki, o, kişiləri qadınlara sakitcə yaxınlaşmağa və onları hamilə qoymağa çağırıb. 

“Bu gecə qadınınıza sakitcə yaxınlaşın və düz doqquz ay sonra, yəni 2024-cü ilin sonuna qədər 700 deyil, 10 minə qədər uşaq dünyaya gətirəcəksiniz. Qalan 10 mini gələn il edin.

Beləliklə, əziz dostlarımız, şəhərimizin uşaq bağçalarında 3 020 yox, daha çox uşaq olacaq”.

Minenkov Ukraynanın işğalı nəticəsində əhalisi azalan Rusiyanın əhalisinin bu üsulla bərpa oluna biləcəyini iddia edib.

Qeyd edək ki, son iki ildə 300 mindən çox rus həyatını itirib və ya fiziki məhdudiyyətli olub. 

Həmçinin prezident Putin də bu həftə tələbələrə erkən yaşda ən azı üç uşaq sahibi olmalarını söyləyib.

"Əhalinin artımını təmin etmək üçün ailəyə ən azı üç uşaq lazımdır. Bunun baş verməsi üçün isə valideynlər hələ gənc ikən uşaq sahibi olmalıdırlar".

Günay