Kadırovun övladlarının və qohumlarının əksəriyyətinə yüksək vəzifə verildi

Çeçenistan rəhbəri Ramazan Kadırov övladlarını hökumətdə mühüm vəzifələrə təyin etməkdə davam edir.

Ölkə.Az xarici KİV-ə istinadla xəbər verir ki, o, 27 yaşlı qardaşı oğlu Həmzəti təhlükəsizlik üzrə məsləhətçi edib.

Onun kürəkəni kənd təsərrüfatı naziri, qaynı isə nəqliyyat naziridir. 

Kadırovun 14 övladının əksəriyyəti və qohumları hazırda hökumətdə yüksək vəzifələrdə çalışırlar.

Xatırladaq ki, ötən ilin oktyabr ayında əvvəllər mədəniyyət naziri olmuş 25 yaşlı qızı Ayşatı baş nazirin müavini təyin edilib.

Böyük oğlu 18 yaşlı Əhməd isə idman və gənclər nazirinin müavini olub.

Günay