Kralda xərçəng aşkarlandı
İngiltərə kralı III Çarlza xərçəng diaqnozu qoyulub.
Ölkə.Az xarici KİV-ə istinadla xəbər verir ki, bu barədə Bukingem Sarayından açıqlama verilib.
"Əlahəzrət fərziyyələrdən qaçmaq üçün diaqnozunu paylaşmağı seçdi”, - bəyanatda deyilir.
Belə ki, o, prostat vəzinin böyüməsi səbəbiylə bir müddət əvvəl xəstəxanada müalicə olunub. Kral Çarlzın prostat testlərində bir növ xərçəng aşkar edildiyi bildirilib.
Krala yaxın mənbələr isə Çarlzın prostat xərçəngi olmadığını bildirib.
Baş nazir Rishi Sunak “X” hesabında "Əlahəzrətə tam və tezliklə sağalmasını arzulayıram. Onun qısa müddətdə bütün gücünə qovuşacağına heç bir şübhəm yoxdur" sözlərini paylaşıb.
Günay
