Lukaşenko yenidən Belarus prezidenti seçildi
83,49% səs yığıb
Ölkə.Az xəbər verir ki, Belarusun hazırki prezidenti Aleksandr Lukaşenko seçicilərin 83,49% səsi yığaraq yenidən ölkənin başçısı seçilib.
Bu barədə Mərkəzi Seçki Komissiyasının sədri Lidiya Yermoşina məlumat yayıb. O bildirib ki, bütovlükdə respublika üzrə Aleksandr Lukaşenko 83,49% səs yığıb.
Xatırladaq ki, builki prezident seçkisində hazırkı dövlət başçısı Aleksandr Lukaşenko ilə yanaşı, Liberal-Demokrat Partiyasının lideri Sergey Qaydukeviç, “Qovori pravdu” (“Həqiqəti danış”) kampaniyasının fəalı Tatyana Korotkeviç və Belarus Vətənpərvər Partiyasının sədri Nikolay Ulaxoviç prezident postu uğrunda mübarizə aparırdılar.
Oktyabrın 11-də Belarusda prezident seçkisi keçirilib.
Rəşid Mustafazadə
Ölkə.Az
