Kral Salman zəhərləndi

Ölkə.az xəbər verir ki, Səudiyyə Ərəbistanın kralı Salman bin Abduləzizin zəhərləndiyi haqda xəbərlər yayılıb.

Qardaşı kral Abdullah bin Abduləzizdən sonra taxta çıxan 76 yaşlı Salmanın keçən həftə zəhərləndiyi iddia edildi.

İsrail kəşfiyyatına yaxınlığı ilə bilinən bir internet saytında Səud sülaləsinin daxilində gedən hakimiyyət uğrunda mübarizədən bəhs olunur. Məlumatda kral Salmanın zəhərləndiyi və hakimiyyəti qardaşı oğlu vəliəhd şahzadə Məhəmməd bin Naifin öz əlinə aldığı bildirilir.

Hazırda Səud sülaləsinin nüfuzlu fərdlərinin ölkədə hakimiyyəti bir-birinin əlindən almaq uğrunda qızğın mübarizəyə girişdikləri deyilir. Kral sarayına yaxın mənbələrin verdiyi məlumatda vəliəhd şahzadə Məhəmməd bin Naifin ailə daxilində ABŞ-a ən yaxın şəxs olduğu bildirilir.

Hazırda kral Salmanın Ər-Riyaddakı kraliyyət klinikasında reanimasiyada olduğu deyilir.

Ölkə.az