Rişi Sunak İsraili Qəzzaya yardımın çatdırılmasına icazə verməyə çağırıb

Böyük Britaniyanın baş naziri Rişi Sunak israilli həmkarı Benyamin Netanyahu ilə telefon danışığı aparıb.

Ölkə.Az xarici KİV-ə istinadla xəbər verir ki, Sunak İsraili Kerem Şalom Sərhəd Qapısını tamamilə açmağa çağırıb.

Bu barədə İngiltərə Baş Nazirinin 10 nömrəli ofisindən açıqlama verilib.

“Qəzzada mülki əhalinin itkisi və Rəfaha hərbi hücum ehtimalının səbəb olacağı dağıntılardan narahatam.

Davamlı atəşkəsə gedən yolda məhbusların azad edilməsi və Qəzzaya daha çox yardımın daxil olmasını təmin etmək üçün münaqişədə humanitar fasilə vacibdir.

Bizə yardımlarımızın Aşdod limanı vasitəsilə çatdırılmasına icazə verin. 

Beynəlxalq humanitar hüquqa riayət edilməli, xəstəxanaların və mülki infrastrukturların qorunması vacibdir”, - deyə o, bildirib.

Həmçinin Netanyahuya britaniyalı məhbusların yaxınları ilə görüşləri barədə məlumat verən Sunak Qərb Şəriyədə gərginliyi artıracaq addımlardan qaçınılması lazım olduğunu da qeyd edib.

Günay