Avropada üsyan: 6 polis yaralandı - VİDEO/FOTO

Hollandiyanın inzibati paytaxtı Haaqada fərqli fikirlərə malik eritreyalı qruplar arasında zorakılıq baş verib.

Ölkə.Az xarici KİV-ə istinadla xəbər verir ki, hadisə zamanı 6 polis əməkdaşı yaralanıb, 13 nəfər saxlanılıb.

Bundan əlavə 2 polis maşını və bir avtobus yandırılıb.

Haaqadakı iclas zalında bir araya gələn anti-Eritreya hökumət və hökumətyönlü qruplar toplantının keçirildiyi zalın qarşısında bir-biri ilə və polislə toqquşub.

Dəstələr bir-birinə və polisə daş, çubuq və atəşfəşanlıqla hücum edib.

Prokurorluq hadisələri araşdırmaq üçün Böyük İstintaq Qrupu (TGO) təyin edib.

Qeyd edək ki, dünən gecə baş verən hadisələrdən sonra Haaqa meri polisə gözyaşardıcı qazdan istifadə etməyə icazə verən təcili sərəncam imzalayıb.

Günay