Klinton: \"Rusiya Suriyada xaos yaratmamalıdır\"

Klintondan sərt ittihamlar

Ölkə.Az xəbər verir ki, Demokrat Partiyasının ABŞ prezidentliyinə namizədi Hillari Klinton teledebatlarda çıxış edərkən Suriya məsələsində Rusiyaya qarşı daha dəqiq xətt götürməyə çağırıb.

"Biz onun təcavüzkar davranışlarının (Vladimir Putin) yoluna çıxmalıyıq. Düşünürəm ki, ABŞ Putinə çatdırmalıdır ki, onun Suriyada yaratdığı xaos yersizdir", - deyə Klinton qeyd edib.

Debatlarda Demokrat Partiyasının 5 namizədi çıxış edib.

Xatırladaq ki, Hillari Klinton məşhur "Saturday Night Live" komediya şousunda barmen rolunda çıxış edib.

NBC telekanalında yayımlanan verilişdə Klinton satirik skeytçlərdən birində iştirak edib. O, özünə xidmət edən barmen rolunu, aktrisalardan biri isə ABŞ-ın sabiq dövlət katibini ifa edib.

Namizəd eynicinsli nikahların dəstəklənməsi ilə bağlı zarafat edib və Respublikaçılar Partiyasından prezidentliyə namizəd olan Donald Trampı təqlid edərək, "Ey, siz hamınız uğursuzsunuz!" deyib.

Rəşid Mustafazadə

Ölkə.Az