Paşinyan: Putin məni devirməyə çalışır

Ermənistanın baş naziri Nikol Paşinyan "France 24"ə müsahibəsində "Putinə güvənirsinizmi" sualına cavabında dolayı yolla güvənmədiyini etiraf edib

Ölkə.Az xəbər verir ki, Paşinyan bunları deyib: "Bilirsiniz, biz dövlətlərarası münasibətlər qurmuşuq və Ermənistanla Rusiya arasında münasibətlərin uzun tarixi var. Bu əlaqələr tarixi müəyyən institusional ənənələrə malikdir. Biz bu ənənələrin içindəyik".

Hazırda Putinlə əlaqə saxlayıb-saxlamamasına gəldikdə Paşinyan deyib ki, onlar sonuncu dəfə dekabrda danışıblar.

Əlavə edib ki, Kreml onu hakimiyyətdən devirməyə çalışır:

"2023-cü ilin sentyabr hadisələri zamanı Rusiyanın yüksək vəzifəli şəxsləri birbaşa Ermənistan vətəndaşlarını küçələrə çıxmağa və seçilmiş qanuni hökuməti devirməyə çağırıblar. Rusiya telekanalları bir neçə gün deyil, faktiki olaraq artıq 6 ildir ki, Ermənistan hökumətinə, seçilmiş hakimiyyət orqanlarına və şəxsən mənə qarşı sistemli və ardıcıl, məqsədyönlü antitəbliğat aparırlar. Başqa hansı nəticəyə gəlmək olar?", - Paşinyan bildirib.

Mürtəza
Ölkə.Az