Putindən Ərdoğana zəng: Türkiyə möhkəmlənib

Rusiya prezidenti Vladimir Putinlə Türkiyə prezidenti Rəcəb Tayyib Ərdoğan arasında telefon danışığı olub.

Ölkə.Az "Bloomberg”ə istinadən xəbər verir ki, Putin xüsusilə Türkiyə liderini ad günü münasibətilə təbrik edib. Bu gün Türkiyə prezidenti Ərdoğan 70 yaşını qeyd edir.

Daha sonra Kremlin mətbuat xidməti Rusiya və Türkiyə prezidentləri arasında telefon danışığı faktını təsdiqləyib.

Putin Ərdoğanın ölkəsində və xaricdə yüksək nüfuzunu, türk xalqının rifahı naminə uzun illər hökumət fəaliyyətini və xüsusən də Türkiyənin beynəlxalq arenada möhkəmlənməsini qeyd edib. Ərdoğanın Rusiya-Türkiyə dostluq münasibətlərinin inkişafına mühüm şəxsi töhfəsi də vurğulanıb. "Onların daha da hərtərəfli gücləndirilməsinə dair qarşılıqlı öhdəlik təsdiqləndi", - mətbuat xidmətinin bəyanatında deyilir.

Telefon danışığında həmçinin müxtəlif səviyyələrdə əlaqələri davam etdirmək razılaşdırılıb.

Mətbuat xidməti xəbər verir ki, Putin Ərdoğana təbrik teleqramı da göndərib.

Mürtəza
Ölkə.Az