Rusiya düşmənimizdir, Kreml sabah olmayacaq

Hesab edirəm ki, Rusiya hərbi bazasını Ermənistandan çıxarmaq üçün siyasi iradə lazımdır. 

Ölkə.Az xəbər verir ki, bunu “Demokratik Platforma” fondunun direktoru Qaregin Miskaryan deyib.

Ermənistanın KTMT-dən çıxması ilə bağlı məsələyə mövqeyini açıqlayan Miskaryan hesab edir ki, KTMT-dən çıxmaq lazımdır: "Məndən soruşsanız, hətta bir gün əvvəl çıxmalıyıq.
Artıq bilirik ki, həmin KTMT bizim müttəfiqimiz deyil. KTMT timsalında Rusiya indiki mərhələdə bizim düşmənimizdir. Bu bizim maraqlarımızın birbaşa toqquşduğu dövlətdir. Bugünkü Kreml bu gün var, sabah olmayacaq, Rusiya ilə münasibətlər saxlanılmalıdır. Bu gün Kremldə oturanlar cinayətkardırsa, biz Rusiya ilə hər cəhətdən əlaqəmizi kəsməməliyik. Amma KTMT bizə mane olur. Bizim problemimiz rus xalqı ilə deyil, KTMT-dədir".

KTMT-dən çıxandan sonra Ermənistanın hərbi sahədə hansı ölkələrlə əməkdaşlığına gəldikdə Miskaryan deyib ki, milli ordu modelini tətbiq etməkdə yaxşı təcrübəyə malik Skandinaviya dövlətləri ilə əməkdaşlıq etmək olar: "Bu gün biz Fransanın bu məsələdə maraqlı olduğunu görürük. Mümkün qədər rus modelindən ayrılıb yeni ordu qurmalıyıq".

Mürtəza
Ölkə.Az