\"Ola bilsin ki, Ukrayna ordusuna çağırıldıq\"

"Biz bu yaxınlarda başa düşdük ki, son 30 ilin siyasəti yanlışdır. Bu siyasət ona gətirib çıxardı ki, "bizim Rusiyadan başqa dostumuz yoxdur" şüarı boş şeymiş. Sən demə, Rusiya bizim dostumuz deyilmiş".

Ölkə.Az xəbər verir ki, bunu “Demokratik Platforma” fondunun direktoru Qaregin Miskaryan Ukrayna prezidenti Volodimir Zelenskinin Ermənistana mümkün səfəri və Rusiyanın bu məslə ilə bağlı mövqeyini şərh edərkən deyib.

Onun sözlərinə görə, Rusiya tərəfinin təsəvvürləri Rusiya tərəfinin problemidir, Ermənistan isə xarici əlaqələr baxımından mümkün qədər çox ölkə ilə əməkdaşlıq etməlidir. 

Paşinyanın Rusiya ilə münasibətlərini korlaması istiqamətində verdiyi bəyanatlara gəldikdə ekspert bildirib ki, onun Kreml ilə münasibətlərini korlaması yeni deyil. 

Zelenskinin mümkün səfəri ilə bağlı Miskaryan deyib ki, bu gün dünyada iki qütb arasında mübarizə gedir: "Ermənistanın alternativi yoxdur. Ya biz demokratik dünyada inteqrasiya olunmuş ölkə olacağıq, ya da bütün nəticələri ilə suveren dövlət olmaqdan çıxacağıq. Hətta ola bilər ki, Ermənistandan Ukrayna ordusuna çağırılsınlar".

O əlavə edib ki, Ermənistanla Ukraynanın ümumi maraqları var: "Ermənistanın suverenliyini itirməsi, erməni xalqının isə Rusiya cəbhəsindən ona qarşı vuruşması Ukraynanın xeyrinə deyil, suverenliyini itirməsi isə Ermənistanın xeyrinə deyil".

Mürtəza
Ölkə.Az