Özbəkistan bankından ruslara SƏRT QADAĞA: müvəqqəti qeydiyyatdan keçməsələr...

Özbəkistanın ən böyük banklarından biri olan "İpak Yuli Bank" Rusiyadan olan müştərilərinə fiziki şəxslər üçün fərdi identifikasiya nömrəsini (PINFL) təqdim etmələrini tələb edən kütləvi bildirişlər göndərib.

"Ölkə.az" xəbər verir ki, bu barədə RBC məlumat yayıb.

Bu sənəd olmadan rusların hesablar və kartlar üçün seçimləri əhəmiyyətli dərəcədə məhdudlaşacaq.

"Bizə sizin PINFL lazımdır. Bunsuz siz bank xidmətlərindən istifadə edə bilməyəcəksiniz”, – məktubun mətnində deyilir.

Bank dəstəyi nümayəndəsi izah edib ki, tələb Özbəkistan Mərkəzi Bankının 8 fevral 2023-cü il tarixli göstərişinə uyğun olaraq müəyyən edilib. Sənəd dərc olunduqdan ertəsi gün qüvvəyə minib.

Təlimatlara əsasən, rezidentlər və qeyri-rezidentlər üçün depozit hesabları PINFL əsasında açılmalıdır. "İpak Yuli Bank"ın müştərilərinin sözlərinə görə, əvvəllər hesab açmaq üçün Rusiya xarici pasportu və yerli SİM kart kifayət edirdi. PINFL tələb olunmurdu.

Bank nümayəndəsi deyib ki, PINFL olmadan müştərilər hesabdan köçürmələr edə, şəbəkələrində nağd pul çıxara və digər xidmətlərdən istifadə edə bilməyəcəklər. Alış-veriş və kartlar arasında köçürmələr üçün ödəniş hələ də mövcuddur.

"PINFL təmin edilmədən hesablar və kartlar üzrə əməliyyatlar məhdudlaşdırılacaq", - bankdan bildiriblər.

PINFL almaq üçün Özbəkistanda müvəqqəti qeydiyyatdan keçmək lazımdır. Nömrənin qeydiyyat müddəti 2-4 iş günüdür.

İpak Yuli Bank aktivlərinin həcminə görə Özbəkistanda 11-ci yerdədir. Onun bazar payı 3%-dir. Ümumilikdə ölkədə 35 kredit təşkilatı fəaliyyət göstərir.(publika.az)