Tövbə etməyən gənci kilsədə döyüb öldürdülər
Onların döyülməsində 4 nəfər iştirak edib
Ölkə.Az xəbər verir ki, ABŞ-ın Nyu-York ştatının Nyu-Hartford şəhərində "Həyat sözü" kilsəsinin ziyarətçiləri tövbə etməkdən imtina edən iki gənci döyüblər.
19 yaşlı Lukas Leonard zərbələrin nəticəsində ölüb, onun qardaşı 17 yaşlı Kristofer isə ağır xəsarətlər alıb.
Məlumata görə, hadisə 11 oktyabrda axşam baş verib.
"Bir neçə saat ərzində onları törətdikləri günahları etiraf etmələri, üzr istəyəcəkləri ümidi ilə alçaldır və döyürdülər", - deyə polis nümayəndəsi bildirib.
Polis məsələ ilə bağlı araşdırmalara başlayıb. Onların döyülməsində 4 nəfər, o cümlədən valideynləri Brüs və Debora Leonard, böyük bacıları Sara Fergüson iştirak edib.
Rəşid
Ölkə.Az
