Türkiyə irəlilədi, İsrail 6 sıra geriyə düşdü - FOTO

Tel-Əviv Universitetinin Milli Təhlükəsizlik Araşdırmaları İnstitutu (INSS) İsrailin son 10 ildə hərbi baxımdan dünya ölkələrindən geri qaldığını açıqlayıb.

Ölkə.Az xarici KİV-ə istinadla xəbər verir ki, ötən il siyahıda 18-ci olan İsrail bu il 17-ci pilləyə yüksəlsə də, İsrail mediası bu vəziyyətə reaksiya verib.

"Jerusalem Post" qəzeti İsrailin Yaxın Şərqdə dördüncü, Türkiyənin dünyada 8-ci, İranın 14-cü, Misirin isə 15-ci olduğunu qeyd edib.

Qəzet həmçinin qeyd edib ki, İsrail 10 il əvvəl 11-ci yerdə ikən İran onlara qarşı tətbiq edilən sanksiyalara baxmayaraq onları geridə qoyub, Tel-Əviv isə hərbi sahədə geridə qalıb.

İsrailin açıqladığı bu məlumatlar ölkələrin əsgərlərinin sayı və ya xalqın orduya sadiqliyi kimi faktorlardan çox texnologiyaya əsaslanır. Bu kontekstdə İsrail Yaxın Şərqdəki ən böyük düşməni olan İranla müqayisədə hərbi xərclərində 2,5 dəfə çox olmasına baxmayaraq Tehrandan geri qalır.

INSS isə İsrailin son on ildə geriləsməsinə baxmayaraq Cənubi Sudan, Səudiyyə Ərəbistanı və Livan kimi ölkələrlə müqayisədə digər Yaxın Şərq ölkələrindən daha yaxşı yerdə olduğunu yazıb.

Billurə Yunus