Mətn ölçüsü:
  • 100%

Makron özünü biabır etdi, rəsmi Paris təkzib bəyanatı verdi

Makronun NATO qoşunlarının göndərilməsi ilə bağlı açıqlamaları Kiyevdəki vəziyyəti daha da pisləşdirib.

Ölkə.Az xəbər verir ki, bu barədə "Politico" nəşrində dərc olunan məqalədə deyilir.

Onun NATO və Aİ ölkələrindən Ukraynaya qoşun göndərilməsi ehtimalı ilə bağlı açıqlamaları Kiyevdə vəziyyəti daha da pisləşdirib. 

Nəşr yazır ki, Fransa prezidenti siyasi karyerasında dəfələrlə bəyanatlar verib və sonradan bu bəyanatlardan geri çəkilmək məcburiyyətində qalıb.

Məlumata görə, Kiyevə dəstəyi davam etdirmək üçün bütün Avropa liderlərini razı salmaq üçün kollektiv güc tələb olunacaq. Ukraynaya qoşun yeritmək ideyasını təbliğ etmək cəhdləri yalnız imtina riskini artıracaq. 

Nəşr onu da qeyd edib ki, hazırkı durumda Kiyev ciddi əks-hücum üçün kifayət qədər sayda hərbi personala və sursat ehtiyatına malik olmayan çətin vəziyyətdə qalıb. "Ukrayna yalnız gələn il vəziyyətin dəyişəcəyinə ümid edə bilər" - "Politico" yazıb.

Qeyd edək ki, Fransa yenidən verdiyi bəyanatlardan geri çəkilib. Makronun Ukraynaya qoşun göndərilməsi ilə bağlı bəyanatından sonra Fransanın xarici işlər naziri Stefan Sejourne Parisin  Ukraynaya qoşun yeritməyəcəyini növbəti dəfə bəyan edib.

Mürtəza
Ölkə.Az