Bayden bu dəfə də ölkələri səhv saldı

ABŞ prezidenti Co Bayden çıxışında növbəti dəfə səhvə yol verib.

Ölkə.Az xarici KİV-ə istinadla xəbər verir ki, ABŞ lideri ABŞ prezidenti Bayden Ağ Evdə mətbuat nümayəndələri qarşısında çıxış edərkən Qəzzaya göndəriləcək humanitar yardım barədə danışıb.

"Yaxın günlərdə biz İordaniyaya qatılaraq (Qəzzaya) humanitar yardım göndərməyə başlayacağıq".

Onun havadan atacaqları yardımla bağlı çıxışında Qəzza yerinə iki dəfə səhvən “Ukrayna” deməsi diqqət çəkib.

Bayden əlavə edib ki, bölgəyə daha çox humanitar yardım göndərilməsi üçün İsrail tərəfi ilə danışıqları davam etdirirlər.

Qeyd edək ki, Co Bayden bundan əvvəl də dəfələrlə çıxışları zamanı oxşar səhvlərə yol verib.

Billurə Yunus