Üçüncü Dünya müharibəsi başlayıb – Duqin elə şeylər açıqladı ki…
Üçüncü Dünya Müharibəsi başladı və biz indi onun ilk mərhələsindəyik.
Ölkə.Az xəbər verir ki, belə bir bəyanatla Rusiya Prezidenti Vladimir Putinin ən yaxın dostu Aleksandr Duqin çıxış edib.
Rusiya-Ukrayna müharibəsi nəticəsində Qərblə Rusiya arasında yaranmış mövcud durumu dəyərləndirən Kremlin strateqi deyib ki, dünya heç vaxt nüvə müharibəsinə bu qədər yaxın olmayıb. "Hazırda qütblərarası müharibə gedir. Bu müharibə Qərbin qorumağa çalışdığı birqütblü dünya nizamı ilə çoxqütblü sistem arasındadır. Münaqişə sərhədləri isə Ukrayna, Fələstin və Tayvandır. Afrika və Cənubi Amerikada da yeni cəbhə açıla bilər. Biz yeni dünya nizamının formalaşma mərhələsindəyik. Bu proses qaynar münaqişələrə səhnə olmaqda davam edir. Ən pisi odur ki, biz indi nüvə müharibəsi riski ilə üz-üzəyik. Rusiyanın şəhərlərinə hücumlar hər an nüvə müharibəsinə səbəb ola bilər", - Duqin qeyd edib.
O əlavə edib ki, bu müharibədə təkcə taktiki nüvə silahları deyil, həm də strateji nüvə silahları istifadə olunacaq. "Əgər biz adi müharibədə Ukraynanı məğlub edə bilməsək, bu, birbaşa nüvə müharibəsinin başlanması demək olacaq və biz bütün Ukrayna üzərində nəzarəti ələ alana qədər dayanmaq niyyətində deyilik. Bundan sonra heç bir diplomatik həll bu hədəfimizə mane ola bilməz. Ona görə də bu gün Ukraynanı kim silahla təmin edirsə, bilməlidir ki, onlar nüvə müharibəsi riskini artırırlar", - Duqin əlavə edib.
Duqin onu da bildirib ki, artıq Üçüncü Dünya müharibəsi müəyyən mənada başlayıb: "NATO liderləri anlamırlar ki, atdıqları addımlar nüvə faciəsinə gətirib çıxara bilər. Rusiyaya hücum dünyanın məhvidir. NATO indiki siyasətini davam etdirsə, bu dəhşətli gün qaçılmaz olacaq".
Ankara-Moskva münasibətlərinə və Türkiyənin baş verən hadisələrdəki roluna toxunan Duqin deyib ki, Türkiyə neytral mövqe nümayiş etdirir: "Ankara ilə əlaqələr bizim təhlükəsizliyimiz və strategiyamız üçün çox vacibdir. Türkiyənin bizim müttəfiqimiz olmaması pisdir, amma digər tərəfdən açıq şəkildə Qərb cəbhəsində olmaması da yaxşıdır. Qərbin məsuliyyət hissini tamamilə itirdiyini görürük. Onda Türkiyə onları dayandırmalıdır".
Mürtəza
Ölkə.Az
