Bu aylarda temperatur normadan yüksək olacaq - Dünya Meteorologiya Təşkilatı

Bu ilin mart-may ayları arasında demək olar ki, bütün quru ərazilərdə normadan yüksək temperatur gözlənilir.

Ölkə.Az xarici KİV-ə istinadla xəbər verir ki, bu sözlər Ümumdünya Meteorologiya Təşkilatının (WMO) açıqlamasında yer alıb.

Təşkilatın baş katibi baş katibi Selest Saulo bildirib ki, 2023-cü ilin iyun ayından etibarən hər ay yeni aylıq temperatur rekordu müəyyən edilib:

"Bu da 2023-cü ili indiyə qədər qeydə alınan ən isti il ​​olub. El Nino bu rekord temperaturlara töhfə verdi, lakin istiliyi tutub saxlayan istixana qazları, şübhəsiz ki, əsas günahkardır".

Baş katib 2023-cü ildən başlayaraq yüksək temperatura səbəb olan El Nino iqlim modeli hazırda zəiflədiyini, lakin qarşıdakı aylarda qlobal iqlimə təsir göstərməyə davam edəcəyini və temperaturub artacağını bildirib.

Qeyd edək ki, El Nino orta hesabla, 2-7 ildən bir baş verir və adətən 9-12 ay davam edir. Sakit okeanın mərkəzi və şərq tropiklərində okean səthinin istiləşməsi ilə əlaqəli təbii olaraq meydana gələn iqlim nümunəsidir. Dünyanın müxtəlif yerlərində hava və fırtınalara təsir göstərir. Bu, insan fəaliyyəti nəticəsində dəyişən iqlim kontekstində baş verir.

Billurə Yunus