İŞİD geri çəkilməyə başladı

Müdafiə Nazirliyinin nümayəndəsi İqor Konaşenkov məlumat verib

Ölkə.Az xəbər verir ki, İŞİD terror təşkilatı üzvləri Rusiya hava qüvvələri və Suriya ordusunun zərbələri nəticəsində geri çəkiliblər.

Bu barədə Rusiya Müdafiə Nazirliyinin nümayəndəsi İqor Konaşenkov məlumat verib.

Onun sözlərinə görə, Rusiya kəşfiyyatı bu dəyişiklikləri müəyyənləşdirir və hazırda həm Rusiya, həm də Bağdaddakı məlumat mərkəzindən alınan məlumatlar təhlil edilir.

Nümayəndə əlavə edib ki, məlumatın yoxlanılması və təsdiqi üçün kəşfiyyat hava qüvvələri və pilotsuz aparatların uçuş intensivliyi yüksəldilib.

Xatırladaq ki, İŞİD terror təşkilatı Rusiyanın Xantı-Mansi Muxtar Dairəsinin Pıt-Yax şəhərinin məscidində terror aktı təşkil etməyə cəhd edib.

Qeyd edək ki, üzvlərdən bir neçəsi milliyyətcə azərbaycanlı olub.

Rəşid Mustafazadə

Ölkə.Az