İranlı nazirdən İrəvana növbəti xəbərdarlıq - Tehran öz ampulasında

Qafqaz bölgəsini regiondakənar qüvvələr üçün rəqabət məkanına çevrilməsinə imkan verilməməlidir.

Ölkə.Az xəbər verir ki, bunu İranın müdafiə naziri Məhəmməd Rza Aştiani erməni həmkarı Suren Papikyanla görüşündə deyib.

“Regiondan kənarda təhlükəsizlik istəyi əks nəticə verir. Bölgəni bu güclərin toqquşma yerinə çevirərək regional sülh və sabitlik üçün əlavə problemlər yaradır”, - iranlı nazir qeyd edib.

Onun sözlərinə görə, bütün qonşularla münasibətlərin möhkəmləndirilməsi Tehranın xarici siyasətinin tərkib hissəsidir. "Lakin Ermənistan xüsusi əhəmiyyət kəsb edir və Ermənistan müstəqillik əldə etdikdən sonra iki ölkə arasında münasibətlər müxtəlif sahələrdə inkişaf edir", - o əlavə edib.

İranlı nazir öz ənənlərinə sadiq qalaraq bir daha bəyan edib ki, Tehran region ölkələrinin ərazi bütövlüyü və öz torpaqları üzərində suverenlik hüquqlarını dəstəkləyir və beynəlxalq səviyyədə tanınmış sərhədləri dəyişdirilməsinə qarşı çıxır: "İran Qafqaz regionunda bu siyasətə sadiqdir. Tehran həmçinin iki qonşusu Azərbaycan və Ermənistan arasında birbaşa danışıqları dəstəkləyir və bunu sülh, tərəqqi və inkişafın əsası hesab edir".

Mürtəza
Ölkə.Az