Bolqarıstanda qaçqını güllələdilər

Sredets şəhəri yaxınlığında olub

Ölkə.Az "Agence France-Presse"ə istinadən xəbər verir ki, Bolqarıstanın sərhədçiləri Türkiyədən sərhədi keçmək istəyən əfqanıstanlı qaçqını güllələyiblər.

Bildirilir ki, öldürülən şəxs sərhədi qanunsuz keçmək istəyən bir qrupda olub. O, güllə yarası aldıqdan sonra xəstəxanaya aparılsa da, onun həyatını xilas etmək mümkün olmayıb.

Hadisə Sredets şəhəri yaxınlığında qeydə alınıb.

Qeyd edək ki, 2015-ci ilin əvvəlindən Avropa İttifaqı ərazisinə 340 min miqrant daxil olub.

Rəşid Mustafazadə

Ölkə.Az