Etirazların olduğu ölkədə baş nazir istefa verdi - FOTO

Haitinin Baş naziri Ariel Henri istefa verib.

Ölkə.Az "star" qəzetinə istinadla xəbər verir ki, baş nazir Haitidə quldur dəstələrinin törətdiyi zorakılıq və gərgin etirazlardan sonra postunu tərk edib.

Karib Hövzəsi İcmasının (CARICOM) Dövlət Başçısı İrfaan Əli açıqlamasında deyib ki, Haitidə müvəqqəti prezident şurasının yaradılması və müvəqqəti baş nazirin təyin edilməsi ilə bağlı razılıq əldə olunub.

Qeyd edək ki, minlərlə məhbusun həbsxanadan qaçmasına səbəb olan dəstə lideri “Barbekü” ləqəbli Cimmi Çerizier martın 6-da verdiyi açıqlamada Baş nazirin istefa vermədiyi təqdirdə Haitinin ya hamı üçün cənnət, ya da cəhənnəm olacağını deyib.

Henrinin istefasını tələb edən silahlı dəstələr kı iki həbsxanaya silahlı hücum edərək təhlükəsizlik qüvvələri ilə toqquşub. Qarşıdurmalar zamanı 4 minə yaxın məhbus həbsxanadan qaçıb, 12 nəfər ölüb.
Hökumət martın 4-də həbsxanadan qaçan cinayətkarları tutmaq üçün 72 saatlıq fövqəladə vəziyyət elan edildiyini və müəyyən saatlarda komendant saatı tətbiq ediləcəyini açıqlamışdı.
Məhbusların tutulması üçün elan edilmiş fövqəladə vəziyyət rejimi martın 7-də 1 ay müddətinə uzadılıb.

Billurə