İran məhkəməsi buna görə ABŞ-ni 2.5 milyard dollar cərimələdi

İranda Tehran Beynəlxalq Hüquq Məhkəməsi ABŞ-nin bu ölkəyə 2.5 milyard dollar təzminat ödəməsi barədə qərar çıxarıb.

Ölkə.Az xəbər verir ki, bu barədə İranın rəsmi xəbər agentliyi İRNA məlumat yayıb.

Qərara səbəb İran tərəfinin ABŞ-ni 2008-ci ildə Şiraz şəhərində törədilən terror aktında rol oynamaqda ittiham etməsidir.

Məhkəmə terror aktı qurbanlarının yaxınları və hücumda zərər çəkənlərin qohumları da daxil olmaqla 116 nəfərin açdığı iddiada ABŞ hökumətinin maddi, mənəvi və cəza təzminatının ödənilməsinə qərar verib.

Qərarda 2008-ci ildə Şirazda 14 nəfərin həlak olduğu terror aktını ABŞ-da yerləşən “Tonder” və “İran Krallığı Məclisi” kimi tanınan anti-rejim qrupunun təşkil etdiyi, ABŞ hökumətinin təşkilata dəstək verdiyi iddiaları yer alıb.

Billurə