Cadu etmədiklərini sübut etməyə çalışırarkən zəhərlənib öldülər - FOTO

Afrika qitəsində yerləşən Anqolanın Kamakupada bölgəsində 50 nəfər naməlum sudan zəhərlənərək ölüb.

Ölkə.Az xarici KİV-ə istinadla xəbər verir ki, yerli mətbuat 50 nəfərin cadugərliklə məşğul olmadığını sübut etmək üçün içdikləri sudan zəhərləndiyini yazıb.

Bölgə rəsmilərindən Luzia Filemone qeyd edib ki, sözügedən 50 nəfər cadugərlik etmədiklərini sübut etmək üçün yanvar və fevral aylarında bitki mənşəli maye içərək dünyasını dəyişib. O, ölümlərə görə ara "həkim"lərini ittiham edib:

"50-dən çox qurban bu sirli mayeni içməyə məcbur edilib ki, bu da ara "həkim"lərinin fikrincə, insanın cadu ilə məşğul olub-olmadığını sübut edir”- o deyib.

Qeyd edək ki, əhalisinin əksəriyyəti katolik xristianlardan ibarət keçmiş Portuqaliya koloniyası olan Anqolada bu gün də cadugərlik geniş yayılıb.

Billurə