Putindən Şoyquya əmr: Xüsusi təyinatlılar əraziyə yığılır

Rusiya Prezidenti Vladimir Putin müdafiə naziri Sergey Şoyquya son həftələrdə Ukrayna tərəfinin Rusiya sərhədini keçərək Belqorod və Kurska intensiv hücumlarla əlaqədar olaraq həmin bölgələrdə xidmət edən çağırışçıların xüsusi təyinatlılar və müqaviləli əsgərlərlə dəyişdirilməsini əmr edib.

Ölkə.Az rbc-yə istinadən xəbər verir ki, Putin çağırışçılardan ibarət qoşunların dövlət sərhədindən ikinci və üçüncü eşelonlara geri çəkilməsi və onların müqaviləli əsgərlər, könüllülər və xüsusi təyinatlılarla əvəzlənməsi barədə qərar qəbul edib.

Teleqram kanalında jurnalist Pavel Zarubin döyüşlərin görüntülərini nümayiş etdirərək bildirib ki, Şoyqunun məlumatına görə, Ukrayna qoşunları Belqoroda çatmağı və orada öz ölkələrinin bayrağını sancmağı planlaşdırırlar:

"Rusiya Müdafiə Nazirliyinin məlumatına görə, martın 11-də Ukrayna qüvvələri 5 istiqamətdə sərhədi keçməyə cəhd edib, lakin onların qarşısı alınıb. 

Son bir həftədə Belqorod və Kursk vilayətlərində Ukrayna hərbçilərinin sərhədi yarmaq cəhdləri  intensivləşib", - o bildirib.

Rusiya  Müdafiə Nazirliyinin məlumatına görə, martın 12-dən 15-dək bütün hücumlar Rusiya FTX (FSB) sərhəd xidmətinin bölmələrinin səyi nəticəsində dayandırılıb. 

RF prezidenti Putin hücumları ilə bağlı deyib ki, Ukrayna bu hücumlar zamanı 2500-dən çox şəxsi heyət, 35 tank və 40-a yaxın zirehli döyüş maşını istifadə edib, lakin cəhdlər uğursuz alınıb. 

Mürtəza
Ölkə.Az