Hakan Fidandan gerçək Polat Alemdara bənzədilməsinə REAKSİYA - FOTO
Türkiyə xarici işlər naziri Hakan Fidan ilk dəfə olaraq Abdullah Çatlıya bənzədilməsi ilə bağlı açıqlama verib.
“Ölkə.Az” xəbər verir ki, o bu haqda Bursada gənclərlə görüşü zamanı danışıb.
Hakan Fidan bu cür zarafatlara öyrəşdiyini deyib: “Mən də artıq öyrəşmişəm. 14 yaşından dövlətin önəmli xidmətlərində olanda hər cür işlərlə əlaqələndirilirsən. Bu, bizim qismətimizdir. Edəcək bir şey yoxdur”.
Uzun müddətdir ki, Hakan Fidanın əslində Abdullah Çatlı olduğu deyilir.
1996-cı ildə Susurlukda yol qəzasında həyatını itirən Abdullah Çatlının qızı Gökçen Çatlı ilə Hakan Fidanın doğum tarixlərini müqayisə edilib. Nəticə bütün bu iddiaları təkzib edib.
İddialara görə, 1996-cı ildə Susurlukda yol qəzasında dünyasını dəyişən Abdullah Çatlı əməliyyatla üzünü dəyişib və Hakan Fidan kimi həyatına davam edib. Onların üz cizgilərinin oxşarlığı bu iddiaları gücləndirsə də, Abdulla Çatlının qızının doğum tarixi ilə bağlı təfərrüatlar şayiələri təkzib etməyə kifayət edib.
Belə ki, Abdullah Çatlının qızı Gökçen Çatlı 22 may 1975-ci ildə dünyaya gəlib. Hakan Fidan isə 1968-ci ildə anadan olub və hazırda 55 yaşındadır. Bu iddiaların doğru olması və Çatlının Hakan Fidan olması üçün 7 yaşında evlənib uşaq sahibi olmalıdır. Bu, bioloji cəhətdən mümkün olmadığı üçün “Hakan Fidan əslində Abdullah Çatlıdır” iddiaları boşa çıxıb.
Qeyd edək ki, bir vaxtlar hər kəsin maraqla izlədiyi "Kurtlar Vadisi" serialında da Polat Alemdar obrazının Abdullah Çatlını xarakterizə etdiyi deyilirdi.
