Dünyanın ən xoşbəxt ölkələri açıqlandı - SİYAHI

Gənclər günü-gündən özlərini daha bədbəxt hiss edirş
Ölkə.Az xəbər verir ki, bu, ABŞ-da yerləşən "Gallup" konsaltinq şirkəti, Oksford Universitetinin Sağlamlıq Araşdırma Mərkəzi və Birləşmiş Millətlər Təşkilatının (BMT) Davamlı İnkişaf Həlləri Şəbəkəsinin dərc etdiyi Dünya Xoşbəxtlik Hesabatında yer alıb.

Hesabatın Böyük Britaniya, Avropa, ABŞ və Avstraliyada 15-24 yaşlı gənclər üzərində aparılan araşdırma əsasında hazırlandığı bildirilib.

Hesabatda qeyd olunub ki, gənclərlə yaşlılar arasında iqtisadi bərabərsizlik, təhsil, bacarıqların yetişdirilməsi və ucuz mənzil problemi də gənclərin bədbəxtliyində təsir göstərir.

Bundan əlavə, sosial şəbəkələrin gənclərin özünəinamının azalmasına, rifah halının aşağı düşməsinə böyük təsiri olduğu diqqətə çatdırılıb.

Hesabatda ən xoşbəxt gənclərin Finlandiya, ikinci yerdə isə Danimarka olduğu bildirilib. Gənclərin xoşbəxt olduğu ilk 10 ölkə sırasında Skandinaviya ölkələri -Finlandiya, Danimarka, İslandiya, Norveç və İsveç - liderdir.

Billurə