Suriya ordusu İŞİD-ə ağır zərbələr endirir

Suriya ordusu İŞİD-ə qarşı hücumlarını genişləndirir.

Bu barədə məlumat İranın “Fars” agentliyində yer alıb.

Ordu Hələb yaxınlığında Müslümiyyə və Kafer-Tuma yaşayış məntəqələrini öz nəzarəti altına götürə bilib.

Ölkənin şərqində isə ordu qüvvələri Əl-Cəfra rayonunu ələ keçirib və strateji əhmiyyəti olan Deyr-Əl-Zor aeroportuna yaxınlaşıblar.

Bundan başqa hücumlar ölkənin başqa əyalətlərində də davam etdirilir. Ötən gün ərzində 350-dən çox İŞİD döyüşçüsü öldürülüb.

İranın “Fars” agentliyi bildirir ki, Əl-Qaidənin başçılarından biri olan Sənəfi-Əl-Nəsr ötən günlərdə hava zərbələri nəticəsində öldürülmüşdü. (musavat)

Ölkə.Az